A sexta edición do Campionato do Mundo "A" de hóckey a patíns masculino tivo lugar na localidade de Milán (Italia) entre os días 27 de maio e o 2 de xuño de 1950. Nesta edición participaron un total de dez seleccións encadradas nun único grupo, decidíndose o título a xeito de liguiña. Ao final da liguiña, a selección de Portugal proclamouse campioa tras gañar tódolos seus partidos, por diante dos combinados de Italia e Suíza, prata e bronce respectivamente. Nos 45 partidos do torneo anotáronse un total de 196 goles, cunha media de 7 goles por partido.